保持社交距離之下有咩方法同新鄰居介紹自己？

正所謂禮多人不怪，就算個人平時摺摺地，當搬到新嘅社區都係最好先同鄰居打聲招呼簡單自我介紹下，人地對你印象好啲之餘，又唔會俾人覺得你奇奇怪怪。但依家疫情關係，都係保持社交距離咁打招呼好啲，始終唔知人哋點諗。以下介紹兩個say hi嘅方法！

1. 寫張greeting card俾鄰居

入鄉隨俗，greeting card呢樣嘢當地人真係好著重，亦好受落！之前聖誕節都收到鄰居攝張聖誕卡入信箱，前屋主又好有心寄張卡俾我哋，如果大時大節有幸收到嘅話記得一定要回信俾人呀。Greeting card唔使寫得好長，主要打聲招呼、俾鄰居知道你叫咩名、簡單講下自己啱啱由香港過嚟就得ga啦。甚至按你自己喜好，可以考慮留個電話俾人，話有咩事聯絡都得。

２. 裝返個叫Nextdoor嘅App

呢個app當地幾受歡迎，輸入postal code開返個account之後就可以睇下有無住附近嘅人用呢個app。除咗可以同鄰居傾下偈，仲可以睇到關於自己住嘅社區有無最新消息。感覺上呢個app用嚟收下風都唔錯。

希望疫情快啲完啦，始終最好當然係面對面打招呼、甚至邀請隔離屋嘅鄰居入嚟飲杯 茶食件餅傾幾句。又或者自己焗/買啲曲奇、蛋糕仔、doughnut之類嘅甜點請隔離屋 食，當地人都非常受落。