喺英國行超市最開心就係試吓新產品同睇吓有咩特價嘅正嘢!，最近Eric哥哥試咗個超市購物著數正App即刻忍唔住要同大家分享，有錢齊齊慳，用個App係免費嘅！
個App叫做Shopmium，喺英國、法國、同比利時有超過9百萬個用戶，母公司喺美國上市。Shopmium同500多個超市品牌合作，喺各大英國超市門市都會有指定食品、飲品同日用品定期推出優惠，優惠大約每星期更新一次。通常啲優惠喺Tesco、Sainsbury’s、Asda、Morrisons同Waitrose換領到。以下約略講個App點用：
1．下載咗Shopmium個App再註冊戶口之後，可以揀用銀行戶口或者PayPal之後用嚟拎返Cashback回贈。
2．選取想去幫襯嘅超市，睇吓呢期有咩優惠。Eric哥哥玩咗一排就留意到飲品、甜品、零食、素食、啤酒、清潔用品、個人護理等都會有優惠，涵蓋嘅種類幾豐富。
3．有睇啱嘅優惠就按「心心」儲起先，記得留意返唔同產品嘅優惠期限同T&C呀，過咗期就Claim唔返錢。有啲產品直情係免費，好正，有啲就係優惠試用/試食價。
3．去超市買之前睇啱按「心心」儲起咗Offer嘅產品，照平常咁喺超市Checkout俾錢，最緊要拎返張單！最緊要拎返張單！最緊要拎返張單！（好重要所以要講3次！）
4．返到屋企坐定定開返Shopmium個App,影返張單同Scan返件貨嘅Barcode,然後就可以”Submit cashback request”,等佢處理好就會入返錢俾你，一般需時約3個工作日。
5．戴返個頭盔先，啲熱門優惠貨品有時好快俾人換哂（好似Starbucks、Coca Cola、啤酒薯片零食之類），個Offer就會下架，所以睇啱就快啲買快啲入cashback request啦。亦有啲情況可能係你屋企附近嘅超市咁啱無哂嗰款優惠產品，所以唔介意嘅就「心心」定多啲超市嘅優惠，因為有啲優惠係幾間超市同時都做緊。緣份到了就會買到～
6．記得識食又惜食，真係睇啱優惠先好換呀，唔好見免費/好平就求其換咗返屋企先。
希望呢個App幫大家慳到錢同埋增添購物嘅樂趣！喺App新註冊開戶口嗰陣入埋Eric哥哥個referral code「6TA863」可以額外換領埋個免費薯片優惠呀！Happy grocery shopping 😉
